هذه القصيدة قالها المرحوم بإذن الله تعالى وليد الرملي أثناء مكوثه في فرنسا يشكي فيها كالعادة بعده عن الوطن وشوقه إليه وللأهل والأصحاب.
يخطرن علي مخاطير والراس فوق الوسادة
ينزل دمع عيني طقارير من غير رادة
تخطر علي المينة
وتخطر اوقات امعاينتها فينا
وضمة حنان امعودتها لينا
ولهفات منها فايقات العادة
ننحل براسي يكثرن تخمينه
ايغيب الهنا وحتى ايغيب ارقاده
تذرف ادموعي من جواجي عينه
نبكي بلوعة لين فجري نادا
يخطر علي اصحابي
ياما قضينا من اوقات طرابي
عند الشجر يالا المكان طوابي
رينا افراح وهدرزة وسعادة
واليوم صار اطلال كي الخرابي
مكانات غرب امصقعة برّادة
ننسى ويلفى عقل واحل كابي
ايعاني امرار ف وطن موش ابلاده
تخطر علي منازل
ياما عليهن وقت كنت انغازل
شور الغوالي كنت راقي نازل
ماهمني حوش العزيز ابعاده
ولا همني من كان ليّ عازل
ولا جيرته كانو علي نقّاده
اوقات عدّن حكمها في الآزل
وجني اوقات الحزن والنكّادة
أوقات جميلة
تخطر ونا نبقى ادموعي هيلة
هي واعرة من ينتسى في جيله
وينحى غريب وعيشته شدّاده
يعيش في ظلام وهو صحيب فتيلة
يزرع نبات ولا يشوف احصاده
تسطر اشموسه منحرم تظليله
كادح وشاقي اواخذين ارغاده
يخطرن في واني
وين ننطمر تحت اللحاف انعاني
مشتاق وطني ومينتي وخياني
وناسه اعزاز كانوا من النشادة
ونندب الحظ اللي بعيد رماني
ضمير مستتر ماله اعراب ايجاده
نطلب الله يكون لي عوّاني
ربي رحيم وانا من العبّادة
منذ /06-27-2010, 10:23 PM
يخطرن علي مخاطير 
العرض العادي
